Esta é a historia de como me convertín en “princesa” por sorpresa (con moitas comiñas), grazas a WordPress.

É unha charla moi persoal, na que conto como descubrín a comunidade que me cambiou a vida: a de WordPress.

Todo comezou nunha WordCamp, como non podía ser doutro xeito, pero os detalles máis suculentos déixoos para o directo.

Ademais de facerche rir (conmigo ou de min, ambas me valen) e conseguir que leves mellor a primeira hora do domingo post-after-party, o meu obxectivo é espertar en ti a fascinación que eu sinto por esta comunidade para que saias da charla con ganas de formar parte dela á túa maneira.

Non prometo chistes bos nin efectos especiais, pero si unha historia real e con final feliz (que en realidade é só o principio).