Que estamos a buscar?

Estamos a buscar relatorios relacionados con WordPress e a formación, en diferentes áreas, plataformas educativas, oferta de cursos, marca persoal, redes sociais, copywrtiting, desenvolvemento web, deseño UX/UI, accesibilidade, márketing e vendas, SEO, seguridade, WPO, aspectos legais…

Valoraremos a orixinalidade, se es experto en algo e normalmente fas ponencias noutras WordCamps, pedímosche que a cambies para non repetirnos.

O noso obxectivo é escoller ponencias dinámicas, o máis prácticas posibles e que os asistentes acaben con gaña de probar cousas novas.

Que temáticas nos gustan?

WordPress, WordPress, ahhh e WordPress… É obvio, non? Estamos nun evento organizado pola comunidade de WordPress, mais dentro dese marco hai cabida para moitas cousas e moitas temáticas, podes falarnos de:

• Ferramentas de aprendizaxe con WordPress (LMS, plugins educativos)
• Desenvolvemento de webs con WordPress
• Deseño web e experiencia de usuario (UX/UI)
• Prácticas docentes: como usar WordPress para formar ou ser formador
• Formación en comunidade: como ensinar, como colaborar e aprender de outras persoas
• Formación en seguridade e boas prácticas
• Rendemento e optimización (WPO)
• Aprender SEO, marketing de contidos e posicionamento web
• Accesibilidade e inclusión dixital

E todo aquilo que consideres que pode ser de interese ou de axuda para os asistentes.

Que formatos de relatorios teremos?

Na WordCamp Galicia apostamos por unha maior participación dos asistentes, e por formatos máis dinámicos e prácticos para afianzar coñecementos aplicados a casos reais a través da experiencia persoal.

• Charla longa
• Charla curta
• Taller
• Demo
• Auditoría
• Consultoría

Le as descricións de cada formato e escolle o que mellor se axuste ás túas circunstancias, ideas ou preferencias.

Charla longa (20 minutos + 5 de preguntas)

A charla longa é unha excelente oportunidade se queres profundizar nun tema específico. Poderás proporcionar exemplos concretos, estudos relevantes ou consellos prácticos.

Este formato é idóneo para conectar con outros profesionais e entusiastas que comparten o teu mesmo interese sobre o tema que presentas.

Ó finalizar, haberá tempo para que o público realice preguntas.

As preguntas permiten entrar en máis detalle e abordar inquedanzas directas dos asistentes. O trato co público poderá axudarche a establecer conexións significativas cos asistentes á WordCamp.

Charla curta (10 minutos)

Este formato está diseñado para temas máis rápidos de explicar, principiantes en falar ó público.., xa que tan duran moi pouco tempo e non hai posibilidade de facer preguntas ó rematar.

A brevedade de tempo obriga a concentrarse nos aspectos máis importantes do tema, destacar puntos chave, ofrecer consellos prácticos e compartir ideas efectivas.

Presentar una charla curta é un desafío creativo, porque tes que captar a atención do público cunha mensaxe rápida, clara, concisa e interesante. O que te levará a unha actitude innovadora e creativa coa que destacar.

Taller (60 minutos)

É unha oportunidade única para involucrar activamente ós asistentes nunha experiencia práctica e participativa.

Este formato é ideal para aprender facendo. Poderás propoñer exercicios prácticos, unha sesión de traballo en equipo, resolver problemas concretos, personalizar certos aspectos… De xeito que os participantes poidan aplicar conceptos e ferramentas directamente nos seus proxectos.

Ademais de guiar ós asistentes a través dunha experiencia práctica, pedímosche que fomentes a innovación, a creatividad e o intercambio de coñecementos cos participantes para traballar xuntos na procura de solucións creativas a desafíos específicos.

Demo (10 minutos)

Este formato é unha oportunidade para compartir algo que saibas facer. Trátase de amosar de maneira práctica cómo funciona unha aplicación, un plugin, os pasos a seguir para facer unha estratexia específica de…

Deberás ser conciso e inspirador para que a audiencia comprenda rápidamente a súa utilidade e o potencial do seu uso para que despois exploren ou o implementen nos seus proxectos.

Pensa en algo simple para que os asistentes poidan ver dunha forma rápida e fácil, ó xeito de facer algo concreto e dese xeito, que poidan aprender a facelo.

Auditoría (20 minutos + 5 preguntas)

É o formato idóneo se adoitas auditar proxectos para poder identificar áreas de mellora e oportunidades para optimizar procesos relacionados co mundo das webs ou da formación.

Trátase de amosar a metodoloxía que segues analizando os casos reais que ti escollas dentro das propostas que os participantes enviarán antes do evento. Terás o tempo necesario tanto para facer a elección, como para realizar as revisións.

O día do evento poderás ofrecer consellos prácticos e suxerencias de mellora adaptadas ás necesidades e circunstancias únicas de cada proxecto. De xeito, que os participantes non só recibirán asesoramento personalizado, senón que tamén terán a oportunidade de aprender dos proxectos dos outros.

Consultoría (10 minutos)

Este formato é unha oportunidade para axudar e aconsellar ós participantes grazas ós teu coñecementos e experiencia sobre un área ou tema específico relacionados con a formación e WordPress.

Trátase de dar consellos e recomendacións personalizadas sobre casos específicos do público para axudarlles a resolver as súas dúbidas ou problemas.

Para iso, os participantes poderán mandar as súas preguntas con antelación ó evento para seleccionar as máis interesantes e que poidan ser de maior utilidade. Deixando espazo tamén para as que xurdan no momento.

Todos os formatos plantexados son orientativos e flexibles, polo que estamos abertos a calquera modificación ou proposta que nos queiras facer chegar.

Información de interese

Para ser relator tan só necesitarás:

• Ganas de aportar valor e de axudar ós demais
• Prepararte (ben) a ponencia
• Estar en Galicia, concretamente en Pontevedra, os días do evento e antes da hora que che toque saír a escea.

Ademais, ten en conta:

1. En WordCamp Galicia 2025 enfocámonos en promover o coñecemento, a colaboración e o intercambio de ideas en beneficio da nosa comunidade. Por esta razón, non aceptamos ponencias comerciais ou publicitarias.
2. O noso obxectivo é atopar contido de calidade e orixinal digno para ser compartido en WordPress.tv.
3. Na túa presentación tan só poderá aparecer 1 diapositiva con teus datos de contacto.
4. Debes respectar o espíritu de WordPress e a súa licenza GPL.
5. O idioma da charla debe ser preferentemente: español, galego, portugués ou inglés.

Se precisas axuda:

Sabemos que preparar unha ponencia require tempo e esforzo, pero estamos aquí para apoiarte en cada paso do camiño.

O noso equipo de relatores estará á túa disposición para brindarche asesoramento e recursos, e asegurarnos de que a túa presentación sexa un éxito rotundo!