Sábado, 4 de Outubro
Nesta xornada haberá dúas salas de talleres, conferencias e formatos experimentais, con máis de 20 relatores que abarcarán todas las temáticas posibles relacionadas con aprendixaje con WordPress para que tanto novatos como expertos aprendan e desfruten.
Este ano, propuxémonos levar a cabo distintas actividades relacionadas con WordPress e formación. Tocando áreas como plataformas educativas, oferta de cursos, marca persoal, redes sociais, copywrtiting, desenvolvemento web, deseño UX/UI, accesibilidade, márketing e vendas, SEO, seguridade, WPO, aspectos legais…
Conferencias dinámicas, o máis prácticas posibles coas que os asistentes acaben con gaña de probar cousas novas. Relatores con ideas innovadoras, historias que inspiren a outros ou quizáis consellos prácticos que nos sirvan para aplicar ós nosos proxectos.
Se queres participar como relator, presta atención á Chamada que realizaremos.
Formatos
Este ano apostamos por unha maior participación dos asistentes, e por formatos máis dinámicos e prácticos para afianzar coñecementos aplicados a casos reais a través da experiencia persoal.
- Charla longa
- Charla curta
- Taller
- Demo
- Auditoría
- Consultoría
- Debate aberto
Charla longa
A charla longa é unha excelente oportunidade para profundizar nun tema específico. Cunha duración de 20 minutos, haberá tempo ó finalizar para que o público realice preguntas.
As preguntas permiten entrar en máis detalle e abordar inquedanzas directas dos asistentes.
Charla curta
Estas charlas tan só duran 10 minutos e non hai posibilidade de facer preguntas ó rematar.
A brevedade de tempo obriga a concentrarse nos aspectos máis importantes do tema, destacar puntos chave, ofrecer consellos prácticos e compartir ideas efectivas.
Taller
Este formato é un xeito de aprender facendo. Unha sesión práctica e participativa na que aplicar conceptos e ferramentas directamente durante 60 minutos.
O relator axudará e guiará ós participantes para que sexan quen de entender e afianzar os conceptos.
Demo
En tan só 10 minutos, o relator amosará de maneira práctica cómo funciona unha aplicación, un plugin, os pasos a seguir para facer unha estratexia específica de…
Trátase de ver dunha forma rápida e fácil, ó xeito de facer algo concreto para que os asistentes poidan aprender a facelo.
Auditoría
Durante 20 minutos un experto nalgunha área relacionada co mundo das webs ou do emprendemento revisará un proxecto real.
Trátase de amosar a metodoloxía a seguir para poder identificar áreas de mellora e oportunidades para optimizar procesos no teu propio proxecto.
Consultoría
Durante 10 minutos, o relator dará consellos e recomendacións personalizadas sobre casos específicos do público para axudarlles a resolver as súas dúbidas ou problemas.
Para iso, poderase mandar preguntas con antelación ó evento, que serán contestadas con solucións baseadas na experiencia.
Debate aberto
Este formato é unha oportunidade para participar nunha conversa aberta e dinámica, durante 60 minutos, sobre un tema relevante relacionado con WordPress e o emprendemento.
Trátase de identificar entre todos problemas reais compartindo perspectivas, ideas e experiencias para explorar diferentes puntos de vista e xerar solucións innovadoras.
Queres ser relator?
Para participar como relator, estate atento á chamada e ó período para presentar a túa charla ou taller.
