En directo, sen anestesia e sen necesidade, nesta sesión —unha mestura de consultoría e visita ao médico—, e como xa estou afeito a atender preguntas sobre WordPress de todo tipo desde hai case 20 anos, responderei calquera dúbida que teñas, mesmo ofrecendo solucións personalizadas que poidan ser útiles tamén para outras persoas.


Fernando Tellado é un dos maiores expertos en WordPress en fala hispana, recoñecido pola súa ampla traxectoria como conferenciante, desenvolvedor e divulgador na comunidade global. Desde hai máis de 15 anos dirixe AyudaWP.com, o blog líder en español sobre WordPress, ofrecendo formación, trucos e solucións prácticas para usuarios e profesionais.
Fernando é validador global (GTE) do equipo de traducións de WordPress ao español de España, coordinador dos foros oficiais de soporte, administrador de es.wordpress.org e embaixador de marca de SiteGround.
Habitual en eventos WordCamp nacionais e internacionais, é un poñente próximo, directo e apaixonado que combina coñecemento profundo con consellos prácticos sobre seguridade, rendemento, desenvolvemento e optimización de WordPress.